永井豪...

好想<惡魔人(Devilamn)>香港會有得上！永井豪，你太勁喇...套惡魔人...haha~

INNOCENCE...

其實動畫點可以做到咁？自己一路都好喜愛日本動畫，但係佢地依家做動畫個方式唔似畫緊公仔，似拍緊戲。根本荷里活拍科幻片都要係佢度「學野(偷橋？)」，所以睇日本動畫唔係無原因既。我最鍾情大友克洋，但係間唔中都要睇押井守、寺田克也其他大師既，記無記錯的話，對上一次睇押井守應該係<人狼(JIN-ROH)>，唔覺唔覺又四年。呢個故事好深奧，唔係未來世界加機械人之類咁簡單，雖然佢加好多香港同中國既元素係入面，但係對套戲未有加分，因為都睇唔明，不過佢真係幾鍾意香港同中國文化，今次都唔係第一次，比較以往呢套算係多，廣東話都講埋仲想點。

今晚對眼好痛，唔打咁多字，post兩張既poster算喇！

i gonna make some change on that work page... i think too many small icons there, let it loading slow... also will upload some new pic there...

Kylie in 1987...

yesterday i found this vinyl in my office...is Kylie...this vinyl released at 1987...i think it was her first album(just i think, i've no idea yes or no...haha~)...but this record only $6 in HongKong somewhere can buy 2nd hand reocrd...


this vinyl i'd aldy take back home, haha...
last lesson, later i'll upload some old classwork and homework here~

Human Nature...

終於都可以睇到喇，因為屋企樓下間VCD舖無，今日出開去比我買到，太開心喇！連續兩日睇兩套C.Kaufman既戲，感覺好正，同時間就癡線?佢既劇本都仲集中談論人性，最原始既野，呢套戲比我個感覺係表面最滑稽，但係又好哲學(想推翻達爾文進化論，哈！)。寫得同尋日個套一樣咁玄(圓?)，應唔應該將呢兩套戲倒轉睇一次呢，哈！「食色性也」，咁原始既衝動，點教都無補於事。接觸文明又點，遲早都會失控，最後仲要個「文明人」帶番隻「人猿」去森林學係大自然生活，呢個point最得(諷刺)。基本上套戲來來去去講緊四個人，但係個關係圖到最尾亂到嘔...要留意埋個兩隻想番NEW YORK實驗室既白老鼠，勁過癮！呢套係咪S.Jonze, C.Kaufman同M.Gondry首次正式合作呢？如果係就經典喇！戲院又唔上，但係點解依家先同同步推出呢？兩年前咖喎?M.Gondry今次用法國人做女配角，下次要用多幾個同鄉，或者擔正做主角嘛。

• 「自由等於失去一切」

when i buy this VCD tdy, i see a nice postcard on cashier... is AKIRA(again?)...is a retro version...inside da package had 2 cards...one is a original watercolor illustration not from that FLIM, another one i think is first time shown in JAPAN that promotional poster but made it to be a postcard size...fuckin' kool, also just $5~in fact, i gonna buy 2 pack of it...haha...MAD~

_wowo...on da back wrote NOT FOR SALE...i think it was inculded with some AKIRA product~

_copy from internet, a coffee shop from NEW YORK...nice shot!

Eternal Sunshine of the spotless mind(無痛失戀)...

睇呢部戲之前已經話比自己聽，要用心留意故事，唔可以走漏眼，一來係Charlie Kaufman既作品，二來第一次睇Michel Gondry既戲。Charlie Kaufman依然無令人失望，仲有，原來Michel Gondry拍MV之外，拍戲都handle得好好，戲入面好多分鏡同剪接都好正，有佢一貫MV既作風。Jim Carrey係條街度，兩頭都走唔甩，似足Kylie首"Come Into My World"個MV。呢個故事究竟個intro係ending，定係個ending係開頭？好鍾意佢寫Jim Carrey同「記憶捉迷藏」個part，發現自己記憶刪除緊，但係無辦法保留，真係慘?其實如果真係有呢間「洗腦公司」，一定好具爭議，咁同安樂死有咩分別？不過間「洗腦公司」幫到人亦都害到人。我發覺Charlie Kaufman寫親既野都好同思想呀、人性呀有關連，其實我覺得呢部戲講既同有少許相似。套戲應該叫<無痛失憶>唔係<無痛失戀>，又唔係失戀先用得，開頭我見有個阿嬸死狗都去...哈哈?隻鍱個內頁話，原來有出中文版，好想睇埋佢呀??次次都好似咁橋，今次咁快又見到Jane Adams，早幾日先見完佢?

• 「善忘的人是幸福的」
• 「因他們活在錯誤中也快樂」
• 「純潔的人多快樂，被世界遺忘的人在遺忘世界，清澈無暇的腦袋散發永恆的陽光，接納每次祈禱，拒絕每個願望」

Bad Education(聖．教．慾)...

首先，市儈講句，廿八蚊睇齣戲真係勁抵，希望佢呢個promo可以無限期就好喇?有宣傳字句話呢齣係佢「首部半自傳式情色電影 」，但係唔知佢自傳邊part呢 ？不過佢寫得好黑暗，由intro個background music已經feel到，其實個故事睇到我有少少混淆，因為用個故仔講個故仔呢類戲我係會睇得好辛苦，佢仲唔止講兩個，係一次講三個，真係記到我頭痛，又係記到ending先開估。不過呀神父開估之前，有幾個位仲以為埋尾，因為我覺得都交代到，可以當ending...佢又唔收呀，玩大佢，咁咪正確，拍戲之嘛...哈哈? 兩個男主角，好好戲！戀童呢家野，真係唔好亂拍?同埋完全明白點解星期六會無位。不過唔知咩叫「艾慕杜華式」，睇唔出同、有咩共通點？

「老廟」條友，比佢吹脹，有生意唔做，您唔賣擺係道，您靠佢發圍起家咩，妖?

塞翁失馬，三十五蚊。

好不幸，因為原本今晚想睇七點十一，但六點幾已經剩番頭兩行，再諗住睇九點十一，但係最後決定放棄，因為未食仲有少少睡意。塞翁失馬，買星期一預售，已經三十五蚊，仲有八折，依家廿八蚊，抵過買鍱，所以買完張飛，即刻諗仲有咩戲未睇，以免走寶，哈?
終於出喇，聽日落街買?頭先仲見到<三更二之餃子>有poster話出鍱囉，唔洗咁快呀，不如唔好上，直接出鍱算啦?

PRODIGY - Always Outnumbered Never Outgunned

PRODIGY new album is fuckin' kool~wait for him a long time ago, i think around 7 yrs...but em 7 yrs ago to listen his last album, just last 2-3 yrs...but i love his music...

**oh~my cell phone...don't leave my so early...u just come with me 2 yrs...nokia...fucked up~

A-1頭條(A-1)...

頭大半part都仲好好，有幾個諗野位，一到差唔多開估就唔多掂，唔知係咪個頭玩得大得滯，個尾收唔番，等人仲係咪估緊有咩「大獲野」定係做傳煤真係有咁多黑幕既時候，佢搞個咁既ending，都唔知想點。 點解唔作大佢，拍戲之嘛?有幾個shot唔知係咪有呀李心潔係度，拍到好似鬼片咁既，仲有呀葛生無幾可出鏡唔著「N字頭運動鞋」，好詭異呀?
最主要都係睇梁家輝，無睇<三更> 搵呢套補數(咁都得!?)，不過呢套唔夠佢上次<雙瞳>咁正，個次做主角唔同既?

Happiness(你快樂嗎)...

太慢喇，又好似太散而又唔夠強烈要帶佢想帶既message...我都係鍾意「一針見血」，唔洗估，唔洗諗，哈...

Alien vs Predator(異獸戰)...

都好耐無睇action movie，不過上個月因為等唔切，自己已經係屋企睇番、同，其實舊版係正好多，不過見落係Paul W.S. Anderson手中就要去睇喇。因為佢之前拍太正喇?呢套故事幾好，叫做幾緊湊，但係都帶點搞笑，感覺有少少fusion，異形跑到好似暴龍，Predator又好有人情味，其他都跟得好原著。但係我有個疑問就係，點解地底二千呎，會有咁多空氣比班人走來走去；就咁推隻異形落水就無事，咁之前無理由打咁耐啦?
我諗Paul W.S. Anderson應該好好人，如果下集唔係佢拍，都留咁多條後路(伏線)比人? 不過睇親佢既戲都要有「一顆遊花園的心」，但俊今次遊得好似唔係好抵?Paul W.S. Anderson自己都知道自己紅(我諗...)，佢都驚自己打自己，哈哈...如果同仲得掂既，個 trailer已經好吸引，等多陣啦，十月先上，不過我睇完trailer已經覺得有少許時空交錯，睇完先算啦，有打Bio Hazard既朋友應該知我講咩既?

雨天，遮。

落雨天，呢個天氣，出街有兩種人。一；係有帶遮既人，二；就係無帶遮既人，即係今朝既我。唔知係咪人（香港人）習慣自私自利，同有著數就唔可以放過，係呢個落住雨既天氣都一樣，雖然我無帶遮係我既問題，但係屋企望出去無落雨就好自然唔拎遮咖啦，但您有帶遮，就無咩理由連人帶住一把開住既遮行入個騎樓底咖。一係您就遮埋我，一係就收埋把遮，但係今日我要行第三條路，行出去淋雨，yeah~
香港報紙既排版係咪有少少問題呢，仲有內文都係，由其銷路最高個幾份。要講實在太長篇，所以我決定唔打，「速成」真係令我打字打得好慢，邊度可以download電話個隻T9輸入法呀？

The Village(森魔)...

未睇之前仲會諗住齣戲「似呢似路」，會似人地套定係自己套呢？賣晒廣告又話到佢個結局點「出人意表」喇！不過睇完就唔覺係喇。硬係覺得佢太「出人意表」喇，有些少玩野，又唔係鬼，睇完盒入面張相，個心裡面不其然走出兩個字，「哦??妖??」！仲以為咩事，飛越瘋人院？後面個字無指明要「妖」邊個，只係助語詞。唔用「妖」用「車」都得?咁我覺得仲「出人意表」啦！勁橋，今日先係茶記睇完Sigourney Weaver套，咁又十幾年?Ms.Jordas仲勁，唔知套戲講咩，淨係知係"SUM MORE"，就同我去睇，哈?

六壯士...

上次<六樓後座>都幾好咖，做咩今次又會拍呢類港產黑色幽默既戲？唔知黃珍珍係咪同個「六」字有咩關係或者緣份之類，兩套戲個片名都用「六」字行頭?純粹估下，無咩特別！
有個朋友同我講，話"... is sucks..."，所以話個個人觀點唔同呢！有女性朋友睇完都話好好睇，但唔知係咪因為有Tom Cruise啦，但係我睇完想喊，雖然無落淚。好彩Mr.Vandam個時都有同感，如果唔係一定有人話我誇張?

大友克洋，宮崎駿...

大友克洋，宮崎駿都買佢怕，哈哈?勁！

• 宮 崎 駿 入 圍 威 尼 斯 電 影 節 宮 崎 駿 的 最 新 作 品 《 哈 維 爾 的 移 動 城 》 ， 已 於 9 月 1 日 開 幕 的 第 61 屆 威 尼 斯 國 際 電 影 節 ， 以 入 圍 作 品 亮 相 ，這 部 作 品 是 他 繼 《 千 與 千 尋 》 後 ， 另 一 部 有 望 奪 得 國 際 電 影 獎 的 作 品 。 宮 崎 駿 已 憑 《 千 與 千 尋 》 分 別 於 02年 獲 柏 林 電 影 節 獲 得 金 熊 獎 ； 及 03 年 再 奪 奧 斯 卡 金 像 獎 。 《 哈 維 爾 的 移 動 城 》 原 定 今 年 夏 天 公 映 ， 但 疑 因避 免 與 大 友 克 洋 的 鉅 著 《 STEAMBOY 》 撞 期 ， 故 延 後 至 11 月 20 日 才 正 式 公 映 。

龍捲風?

身為香港人，竟然唔知尋日機場有龍捲風，仲要係威力強大?
呢樣野試一劑好喇?

千年女優(CHIYOKO MILLENNIAL ACTRESS)...

之前睇大友克洋係，已經同幾位大師級人馬合作過，只係EPISODE 3 - CANNON FODDER自己一手包辦。其中EPISODE 1 - MAGNETIC ROSE就由今敏做編劇，因為得幾廿分鐘真係唔夠喉，今次呢套好好多！原著、 編劇、監製今敏都有份，難怪佢呢幾年紅得咁快，因為<千年女優>真係好正，唔講畫功，故事係可以搬上大銀幕。故事係講一個女優(女演員)既生平，由兩個記者去訪問佢，再帶出當中既故事。千代子(女主角)既愛情史穿梭係現實、幻想、電影，古代、戰國、現代、戰役、科幻世界同未來。剪接交代個time line好smooth，有時兩個記者仲會第一身咁入去同女主角一齊。不過最後原來千代子一路都係追緊一個已經唔係度既人，好慘?

尋日係茶記睇到<辣手神探>，原來朝偉個陣已經做緊陳永仁，不過秋生未做黃sir，做賊?

The Notebook...

唔係激情、少年狂妄、情竇初開，只係個窮子弟對富家女一見鍾情既決擇式愛情故事，但整體唔算老土，可能係老人痴呆同本Notebook既作用。愛情片唔一定要好催淚，帶幾一兩令您覺得touch既位，已經將呢齣戲值得一看。不過touch位呢樣野每個人下既定義都唔同既。當您知道自己聽到自己個故事，會有咩感覺？對個ending既結論係「不能同年同月同日生，但願同年同月同日死。」個女主角原來拍，怪唔之得咁面善啦?睇番個director既filmography，原來佢都幾勁，幕前幕後都有做過，仲係佢screen write...離場個陣聽到一對男女既對話，內容大概係話齣戲悶，中途訓教之類...呢對男女大約得十四五歲，可能仲未係時候睇。大個睇番希望佢地會覺得好睇?

好想買"Auto Graf"，不過真係似本「明星」相集，多過似本graffiti書囉...