星期四, 3月 03, 2005

筆記。

等我都寫一寫呢本漫畫先﹐《Death Note(死亡筆記)》。 好 唔容易先係朋友度借到呢套漫畫﹐借之前起碼有五至六位朋友向我推介過呢本漫畫 ﹐講到點好點正法﹐好似真係好吸引﹐但一日未到手都唔知。直至經過尋日一個 lunch完成頭三話之後﹐心諗 : 「果然無介紹錯﹗」。內容唔係度講﹐相信好多人都知﹐唔知既我係呢度講大家咪無癮。但好似故事發展得咁快咁既﹖ 有網上消息話呢套漫畫將會完結﹐但唔係就咁就完﹐會發展一個類似二部曲既故事﹐唔知會唔會係「前傳」﹐因為依家咁興「前傳熱」﹐定係會寫一個完全同死亡相反既題材﹐用生存做主題﹐不過估住先﹐呢套都未完。 之前電視播過《棋魂》﹐但無咩留意﹐因為本人對圍棋并無興趣﹐不過留意到Takeshi Obata既畫功真係甚佳。

0 Comments:

發佈留言

<< Home

您 衹 可 到 這 裡, 不 可 越 過。