生意興隆。

尋日阿香港話事人及一眾高人走去灣仔銅鑼灣行一轉，食個下午茶同市民握個手影張相問人麻雀幾錢副，新年都未到你就搶先講幾句「生意興隆」，咁就搞掂？你估你依家仲係財神咩，「生意興隆」留番比阿唐講啦，人地話你振興措施無新意呀！
叫聖誕老人去派禮物，咪低能啦！你袋禮物又唔係鬼罕之一槐，叫人特登搭車落去?你兩粒糖咩。得個兩日地籠減兩蚊真係買報紙都唔夠啦，仲爭一蚊你貼呀？有商場無事無幹無示威無胡椒都拍烏蠅啦，你又唔搞架穿梭巴士接人去，仲要半粒鐘一班，行都行到啦頂你。仲話重新編排一個用電量極高「幻彩詠香江」給公眾欣賞，公眾是否代表內地自由行旅客？請問香江市民有幾多個欣賞過，請舉手。夠薑你就封番油又尖旺一個禮拜，淨係348同CYBER人流流去灣仔坐底都帶旺該區茶餐廳啦。
要振興就好似人地個社團咁，開間「掛喪」係工廠區一樣有一眾團員晨早六點捧場，既然政府出得錢搞個「老鼠籠」，不如同阿寶寶合作，引進多幾個「名牌」，香港當前一街都係億萬少年，無謂為幾件買藥油、首飾自由行，而放棄一班「潮流指(豬)標」丫！
你地「曲終人散」人地就「曲終『財』散」呀！

圖片來源：蘋果日報