眼鏡。

早幾日一口氣配了兩副新眼鏡﹐其實想配好耐﹐一來發覺散光勁了深了﹐二來之前個框爛了。但係一路都未揀到合心水既框﹐因為唔太慣係眼鏡舖入面坐係度左試右試﹐試到人地一檯都係﹐但揀唔到呀﹐吹脹。再係配眼鏡既早一兩日﹐係朋友個朋友間舖揀到兩副又平又靚既膠框﹐諗三秒好喇﹐之後比錢。第一眼見到自己帶起睇落順超就唔好再揀其他﹐盞越多心越亂。但係而家驗眼實在太快喇，八達通咁，放個頭上去個斷頭台度"DO"兩"DO"，咁就搞掂。記得以前細個第一次配眼鏡，要望住張poster，睇住幾廿個E字，係咁問你上下左右，呢個清唔清，個個清唔清，載住個鐵框，一塊一塊鏡片慢慢換，好過癮。
上圖：肥姐 a.k.a.沈殿霞version.
下圖：德尊老師version.