天使與魔鬼。

Dan Brown似乎仲未減退﹐早排《Da Vinci Code》既香港的確帶起一陣讀書潮﹐我都唔執輸﹐個陣都一於達文西一番。奈何當時只有一本《達文西密碼》既繁體中譯本﹐所以讀完就只有等﹐讀完《達文西密碼》既幾個月之後﹐係Ms.Geri既口中得知《數字堡壘(Digital Fortress)》既簡體中譯本都已經係書局有得賣﹐我再次唔執輸﹐但簡體令我苦惱﹐加上內容平平﹐所以我記得用個幾禮拜先讀得晒﹐但係講價錢﹐繁同簡真係相距一大截。 今日經過書局見到《天使與魔鬼(Angels & Demons)》都有簡體版賣喇﹐都只不過盛惠$29.8﹐簡體字都唔理﹐買番去先算。 適逢其會﹐今晚明珠將會播《The Real Da Vinci Code(破解達文西密碼)》﹐不過睇完得個桔。