舊同學。

今日返工途中在火車上「巧遇」一位舊同學。
「巧遇」應該係一個較為合適既形容詞﹐火車裡大家都塞著耳筒﹐所以只係例行咁寒暄幾句﹐在她口中得知﹐這位舊同學在我現時工作呢一區已駐守長達五六年之久(嘩~)﹐而我一年也未夠﹐而且之前返工時間唔一樣見唔到都不足為奇﹐但我跟這位同學是住同一憧大廈﹐不過自從大家離開校園之後就好似無見過面﹐難怪佢今朝同我講以為我已經搬家。講起舊同學﹐都唔會未試過係街撞見﹐不過多數會係市區(即旺角﹐尖沙咀﹐銅鑼灣等地。)﹐再講真有點慚愧﹐現在比較熟﹐見面比較多既朋友當中﹐沒有一個是同學來的﹐可能是當年不懂交際人緣甚差所引至。

奇怪﹐這個世界真係有時大又有時細。

返到家中﹐立即找我那個自稱有老人癡呆症經常煲落燙唔記得熄火既老媽子問一問﹐她竟然記得甚至能夠指出該位舊同學是住樓下十幾樓﹐相信她那個癡呆症是「弗氏」所指的選擇式失憶﹐唔知佢真癲定假傻。